ពហុ​កីឡដ្ឋាន​ជាតិ​អូឡាំពិក

ទិដ្ឋភាព​ស្តាត​អូឡាំពិក​នា​ថ្ងៃ​ទី ៨ ខែ​កក្កដា ឆ្នាំ ២០១៥។

ជុំវិញ​សារមន្ទីរ​ជាតិ

20160502-Museum-LIM_Sokheng-101834 បន្ត​អាន “ជុំវិញ​សារមន្ទីរ​ជាតិ”

រូបភាព៖ វត្តភ្នំ

រូបភាព​ទាំង​នេះ​ថត​នៅ​ថ្ងៃ​ទី​១៨ ខែ​វិច្ឆិកា ឆ្នាំ​២០១៤ នា​រមណីយដ្ឋាន​វត្តភ្នំ រាជធានី​ភ្នំពេញ។

ស្ត្រី​អាមេរិកាំង ២​នាក់ ជាប់​ទោស​​ថត​រូប​អាក្រាត​ក្នុង​ប្រាសាទខ្មែរ

Preah Khan temple ruins
Preah Khan temple ruins (2009)” by Allie Caulfieldhttp://www.flickr.com/photos/wm_archiv/3935903735/. Licensed under CC BY 2.0 via Wikimedia Commons.

យោង​តាម​វិទ្យុ​អាស៊ី​សេរី កាល​ពី​ថ្ងៃ​ទី ៧ ខែ​កុម្ភៈ សាលា​ដំបូង​ខេត្ត​សៀមរាប​បាន​កាត់​ទោស​ស្ត្រី​អាមេរិកាំង ២​នាក់ ឲ្យ​ជាប់​ពន្ធនាគារ​ម្នាក់ ៦​ខែ ដោយ​សារ​អ្នក​ទាំង​ពីរ​បាន​ថត​រូប​អាក្រាត​របស់​ខ្លួន​ក្នុង​បរិវេណ​ប្រាសាទ​ព្រះខ័ន​ក្នុង​ខេត្ត​សៀមរាប។

ចៅក្រម​សាលា​ដំបូង​ខេត្ត​សៀមរាប លោក កូយ សៅ បាន​ឲ្យ​ដឹង​ថា តុលាការ​បាន​សម្រេច​ផ្តន្ទាទោស​ស្ត្រី​អាមេរិកាំង​ទាំង​ពីរ​នាក់ ដែល​មាន​ឈ្មោះ លីនស៊ី ខេត អាដាម និង លែសលី ជេន អាដាម អាយុ ២០ ទៅ ២២​ឆ្នាំ ឲ្យ​ជាប់​ពន្ធនាគារ​ម្នាក់ ៦​ខែ និង​ពិន័យ​ជា​ប្រាក់ ១​លាន​រៀល ហើយ​មិន​ឲ្យ​ចូល​ទឹក​ដី​កម្ពុជា​រយៈ​ពេល ៤​ឆ្នាំ។ តែ​ទោះ​ជា​យ៉ាង​ណា តុលាការ​បាន​ព្យួរ​ទោស​មិន​ដាក់​ពន្ធនាគារ​ឡើយ ដោយសារ​យល់​ថា​មិនមែន​ជា​ទោស​កំហុស​ធ្ងនធ្ងរ ហើយ​ដោយសារ​ស្ត្រី​ទាំង​ពីរ​នាក់​បាន​សហការ​សារភាព​ទទួល​ស្គាល់​ទោស​កំហុស​របស់​ខ្លួន។

នេះ​ជា​លើក​ទី​ពីរ​ហើយ​ដែល​សាលា​ដំបូង​ខេត្ត​សៀមរាប កាត់​ទោស​ជន​បរទេស​ដោយសារ​ការ​ថត​រូប​អាក្រាត​ក្នុង​បរិវេណ​ប្រាសាទ​បុរាណ​ខ្មែរ។ ដោយ​កាល​ពី​ថ្ងៃ​ទី ៣១ មករា កន្លង​ទៅ បុរស​ជនជាតិ​បារាំង ៣​នាក់ ត្រូវ​បាន​តុលាការ​សម្រេច​ផ្តន្ទា​ទោស​ដូច​គ្នា។

ទាក់ទង​នឹង​ការ​កាត់​ទោស​ភ្ញៀវ​ទេសចរ​បរទេស​នេះ មន្ត្រី​សង្គម​ស៊ីវិល​មួយ​ចំនួន​បាន​រិះគន់​ថា តុលាការ​ហាក់​យោគយល់​ច្រើន​ដល់​ជន​បរទេស ដែល​ជា​ហេតុ​អាច​ធ្វើឲ្យ​ពួក​គេ​មិន​រាងចាល។ ចំណែក​លោក​ កូយ សៅ អះអាង​ថា​ការ​សម្រេច​របស់​តុលាការ​គឺ​មាន​ការ​ថ្លឹងថ្លែង​ផ្អែក​លើ​បទដ្ឋាន​ជាតិ​ និង​អន្តរជាតិ៕

ប្រជា​មតិ​គ្រី​មៀ​៖ មេ​រៀន​ដ៏​មហា​សាល​មួយ​សម្រាប់​កម្ពុជា

ប្រជា​មតិ​ផ្ដាច់​តំបន់​គ្រីមៀ​ពី​ប្រទេស​អ៊ុយក្រែន​ទៅ​ភ្ជាប់​ជាមួយ​រុស្ស៊ី គឺ​ជារឿង​គួរ​ឲ្យ​សោក​ស្ដាយ​បំផុត​សម្រាប់​ប្រជាជន​អ៊ុយក្រែន ហើយ​នេះ​ក៏​មេរៀន​ថ្មី​មួយ​ទៀត​សម្រាប់​ពិភពលោក។
ងាក​មក​ប្រទេស​កម្ពុជា​វិញ មេរៀន​ស្រដៀង​គ្នា​នេះ​បាន​កើត​ឡើង​រួច​មក​ហើយ​ដោយ​មាន​​ទឹក​ដីកម្ពុជា​ក្រោម​ជា​ភស្ដុតាង​ស្រាប់។

ស្រែ​ខ្មុក

ថ្ងៃ​អាទិត្យ​ម្សិល​មិញ​នេះ​ប្រជាជន​នៅ​តំបន់​គ្រីមៀ របស់​ប្រទេស​អ៊ុយក្រែន​បាន​នាំ​គ្នា​ចេញ​ធ្វើ​ប្រជា​មតិ​មួយ​ដើម្បី​សម្រេច​ជោគ​វាសនា​ទឹក​ដី​មួយ​នេះ​ថា​តើ​គួរ​បន្ត​នៅ​រួម​រស់​ជាមួយ​ប្រទេស​អ៊ុយក្រែន ឬ​ចូល​រួម​ជា​រដ្ឋ​មួយ​របស់​សហ​ព័ន្ធ​រុស្សី​។ សម្រេច​ជា​លទ្ធផល ​អ្នក​ស្រុក​គ្រី​មៀ​ច្រើន​លើស​លុប ​គឺ​រហូត​ដល់​ជាង​៩០​ភាគ​រយ​ឯណុះ​បោះ​ប្រជា​មតិ​បំបែក​គ្រី​មៀ​ពី​អ៊ុយ​ក្រែន និង​ភ្ជាប់​រដ្ឋ​នេះ​ជាមួយ​រុស្ស៊ី​។ លទ្ធផល​នៃ​ប្រជា​មតិ​នេះ​គ្មាន​អ្វី​គួរ​ឲ្យ​ងឿង​ឆ្ងល់​ទេ​ខណៈ​ដែល​ប្រជាជន​ភាគ​ច្រើន​បំផុត​នៅ​ក្នុង​គ្រីមៀ​នេះ​មាន​ដើម​កំណើត​ជា​ប្រជាជន​រុស្ស៊ី​​នោះ​​ (ជាង​៥០​ភាគ​រយ)​។

ប្រជា​មតិ​នៅ​គ្រីមៀ​នា​ថ្ងៃ​ម្សិល​មិញ​នេះ​គឺ​ជា​មេរៀន​មួយ​សម្រាប់​ពិភព​លោក​ ជា​ពិសេស​សម្រាប់​ប្រទេស​កម្ពុជា​ផ្ទាល់​តែ​ម្ដង​។ កម្ពុជា​ធ្លាប់​ទទួល​បទ​ពិសោធន៍​ឈឺ​ចាប់​នៃ​ការ​បាត់​បង់​ដែន​ដី​ពិសិដ្ឋ​របស់​ខ្លួន​រួច​មក​ហើយ (កម្ពុជា​ក្រោម​) ដែល​មាន​លក្ខណៈ​មិន​ខុស​គ្នា​ប៉ុន្មាន​ពី​គ្រីមៀ​។ ក៏​ប៉ុន្តែ​កម្ពុជា​ហាក់​ដូច​ជា​មិន​បាន​រៀន​សូត្រ​ទាល់​តែ​សោះ​ពី​មេរៀន​ទាំង​ខ្លួន​ឯង​ផង ទាំង​ពី​ពិភព​លោក​។

ការ​រុក​រាន​វាទ​ទី​​ដោយ​ខុស​ច្បាប់​ឥត​ឈប់​ឈរ​ពី​សំណាក់​ប្រជាជន​វៀតណាម ដែល​យើង​ឃើញ​ច្បាស់​ផ្ទាល់​ភ្នែក​នា​ពេល​សព្វ​ថ្ងៃ​នេះ ដោយ​ឥត​ខ្មែរ​ណា​ម្នាក់​គួរ​ប្រកែក​បាន​ឡើយ គឺ​ជា​មហន្តរាយ​លាក់​កំបាំង​មុខ​នា​ពេល​អនាគត​ដែល​មិន​គួរ​មើល​រំលង​។ បទ​ពិសោធន៍​កម្ពុជា​ក្រោម​ក៏​មិន​ខុស​គ្នា​ដែល​នៅ​ពេល​ដែល​អាណានិគម​វៀតណាម​មក​រស់​នៅ​ពេញ​ទឹក​ពេញ​ដី​លើ​ដែន​ដី​នេះ ហើយ​ដែល​ជា​ចុង​ក្រោយ​ បារាំង​សម្រេច​ប្រគល់​ទៅ​ឲ្យ​ប្រទេស​វៀតណាម​។

សម្រាប់​កម្ពុជា​បច្ចុប្បន្ន ដរាប​ណា​និគម​វៀតណាម​នៅ​តែ​ហូរ​ចូល​ពេញ​ទឹក​ពេញ​ដី ដោយ​គ្មាន​ច្បាប់​អា​មួយ​ទទួល​រាប់​រង​នោះ​ទេ នៅ​ថ្ងៃ​អនាគត តំបន់​ណា​មួយ​នៅ​ប្រទេស​កម្ពុជា ប្រាកដ​ជា​មាន​វាសនា​មិន​ខុស​ពី​គ្រីមៀ​នា​ថ្ងៃ​នេះ​ទេ​។ មេរៀន​ពី​គ្រីមៀ​នា​ថ្ងៃ​នេះ គួរ​ត្រូវ​បាន​មេ​ដឹក​នាំ​ខ្មែរ ជា​ពិសេស​កូន​ខ្មែរ​គ្រប់​រូប​គួរ​យក​ទៅ​ពិចារណា និង​សិក្សា​ឲ្យ​បាន​ច្បាស់​លាស់ ដើម្បី​បញ្ជៀស​ហេតុការណ៍​នេះ ពី​ប្រទេស​របស់​ខ្លួន​៕

អាន​ព័ត៌មាន​៖
១. ប្រជាជន​គ្រីមេ​៩៦,៦​ភាគរយ​បោះឆ្នោត​គាំទ្រ​ការចូលរួម​ជាមួយ​រុស្ស៊ី​
២. លទ្ធផល ជាផ្លូវការ ប្រជាជនគ្រីមៀ ៩៦,៧៧ ភាគរយ ចង់នៅជាមួយរុស្ស៊ី
៣. សភា របស់គ្រីមៀប្រកាស ឯករាជ្យពីប្រទេស អ៊ុយក្រែន
៤. តំបន់ Crimea ផ្ដាច់​ខ្លួន​ចេញ​ពី​អ៊ុយក្រែន​​ទៅ​ភ្ជាប់​ខ្លួន​ជា​មួយ​រុស្ស៊ី

View original post