រដ្ឋាភិបាល ៖ ដោះលែងអ្នកទោសជនជាតិរូស៊ីដើម្បីប្រយោជន៍ជាតិ ខែធ្នូ 26, 2011
Posted by សុខហេង in ព័ត៌មាន.Tags: កម្ពុជា, ក្រសួង, រូស៊ី, សង្គម
trackback
កាលពីថ្ងៃសៅរ៍ ទី២៤ មន្ត្រីអ្នកនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន បានអះអាងថា ដើម្បីប្រយោជន៍ជាតិ រដ្ឋាភិបាលបានស្នើសុំព្រះមហាក្សត្រដោះលែងអ្នកទោសជនជាតិរូស៊ី ឈ្មោះ អាឡិចសាន់ដ៍ ត្រូហ្វីមូហ្វ (Alexander Trofimov) ហើយការសម្រេចចិត្តនេះជាសិទ្ធិសម្រេចរបស់កម្ពុជា ។
ជនរូស៊ី រូបនេះមានឈ្មោះពិតថា ស្តានីស្លាវ ម៉ូឡូឌីយ៉ាកូវ (Stanislav Molodyakov) ត្រូវបានកម្ពុជាចាប់ខ្លួនកាលពីឆ្នាំ២០០៧ ពីបទរំលោភក្មេងស្រីចំនួន ១៧នាក់ អាយុពី ៦ ទៅ ១៣ឆ្នាំ ។ ចំនែកនៅប្រទេសរូស៊ីវិញ ជននេះក៏ត្រូវគេតាមចាប់ខ្លួនពីបទរំលោភកុមារ ៦នាក់ អាយុពី ៨ ទៅ ១០ឆ្នាំផងដែរ ។
តាមសំដីលោក សំនៀង សិលា នាយកអង្គការសកម្មភាពដើម្បីកុមារ គេបានជូនដំណឹងដល់គ្រួសារជនរងគ្រោះទាំង២១គ្រួសារ ឲ្យប្រុងប្រយ័ត្ន ត្បិតជនរូស៊ីរូបនេះមានសេរីភាព ។ លោកបានបន្តទៀតថា មន្ត្រីអង្គការចំនួន១២ បានធ្វើសំណើរទៅក្រសួងមហាផ្ទៃ ដើម្បីបណ្ដេញ ត្រូហ្វីមូហ្វ ពីប្រទេសកម្ពុជា ។
តុលាការកម្ពុជាបានកាត់ទោស អាឡិចសាន់ដ៍ ត្រូហ្វីមូហ្វ ឲ្យជាប់គុក ១៧ឆ្នាំ បន្ទាប់មកកាត់បន្ថយទោសត្រឹមពាក់កណ្ដាល និងជាចុងក្រោយឲ្យរួចខ្លួនតែម្ដង នៅថ្ងៃអង្គារ ទី២០ ខែធ្នូ ឆ្នាំ២០១១ ៕
ព័ត៌មានពិស្ដារ ៖
គួរតែនិយាយថាម៉េច? រដ្ឋាភិបាលមើលឃើញលុយជាធំ !!!
ខ្ញុំមិនយល់ដែរ !
ជនបរទេសបំពានកេរ្តិ៍ភេទកុមារកម្ពុជាទី៣ បានដោះលែងពីឃុំ
[...] [...]