Leona Lewis – Happy ខែ វិច្ឆិកា 30, 2009
Posted by សុខហេង in Video, ចម្រៀង.add a comment
មេចដែរបងប្អូន កម្សត់ទេ ?
សុខសប្បាយទេបងប្អូន ? ខែ វិច្ឆិកា 26, 2009
Posted by សុខហេង in ពីនេះពីនោះ.2 comments
អស់មួយរយៈកាលកន្លងទៅហើយ ដែលខ្ញុំបានឃ្លាតពីភូមិស្រុក និងបងប្អូននៅភូមិវឺដប្រេសយើង ដោយហេតុថាមានកិច្ចការបន្តិចបន្តួច ដូចជាការសិក្សា តែមិនសូវជាខំប៉ុន្មានទេ ព្រោះថាខ្ញុំនេះចូលចិត្តខ្ជិលជាង និងបញ្ហាបន្ទាប់បន្សំមួយចំនួនទៀត ដែលធ្វើឲ្យខ្ញុំមិនសូវមានកម្លាំងកម្ហែងសោះ ។ តែទោះជាយ៉ាងណាក៏ខ្ញុំនៅឆ្លៀតមកលេងម្ដងម្កាលដែរ ។ មិញដើរពីដើមភូមិរហូតដល់ចុងភូមិ បានជួបអ្នកភូមិយើងរួសរាយរាក់ទាក់ដូចដើមចឹង តែហាក់ដូចជាបាត់សមាជិកមួយចំនួនមិនដឹងថា ពួកគាត់ទៅដល់កន្លែងណា សុខទុក្ខយ៉ាងណាហើយទេ ខ្ញុំនឹកណាស់ មិនដឹងថាពួកគាត់នឹកខ្ញុំវិញដែរអត់ណ៎ ? ហើយចុះអ្នកអញ្ជើញទៅណាមកណា សុខសប្បាយជាទេ ?
បិណ្ឌ៣ហើយ ខែ កញ្ញា 7, 2009
Posted by សុខហេង in ពីនេះពីនោះ.6 comments
បិណ្ឌ៣ហើយ បងប្អូនអ្នកភូមិយើងបានទៅវត្តណាខ្លះហើយ ? ខ្ញុំវិញអត់ទាន់បានទៅ១វត្តណាទេ ប្រហែលជាជិតភ្ជំហើយមើលទៅ បានទៅសរុបម្ដង ។ បើទោះខ្ញុំអត់បានចូលវត្ត តែក៏បានជិះកាត់ដែរ ឃើញថាបងប្អូនប្រកាន់បានយ៉ាងខ្ជាប់ខ្ជួននូវប្រពៃណីខ្មែរយើង នាំគ្នាទៅវត្តយ៉ាងសស្រាក់សស្រាំ តាំងពីបិណ្ឌ១មកម្ល៉េះ ។ ព្រឹកឡើងនាំគ្នាងើបកុំឲ្យភ្លឺទាន់ទៅបោះបាយបិណ្ឌ និងរាប់បាត្រ រួចដល់ពេលភ្លឺឡើងនាំគ្នាទៅផ្សារទិញម្ហូបដើម្បីធ្វើចង្ហាន់ទៅប្រគេនលោកទៀត ។ ឲ្យតែដល់រដូវភ្ជំបិណ្ឌម្ដងៗ នៅតាមវត្តអារាមមានការមមារញឹកជាខ្លាំង ដែលជាហេតុនាំឲ្យគេត្រូវការជ្រើសរើសបុគ្គលិកជាបន្ទាន់ ដើម្បីធ្វើចាត់ចែងកិច្ចការទាំងនោះ ។ ឃើញថាវត្តនៅក្នុងទីប្រជុំជនមានពុទ្ធបរិស័ទទៅច្រើនចឹងធ្វើឲ្យម្ហូបម្ហាសល់ហូរហ៊ា តែអាណិតតែវត្តដែលនៅឆ្ងាយ ឬពិបាកធ្វើដំនើរទៅដល់ក៏មិនសូវមានចង្ហាន់សម្រាប់ព្រះសង្ឃដែរ ។ ចឹងប្រសិនជាអាច សូមឲ្យបងប្អូនទៅវត្តឆ្ងាយៗផងចុះ ។
ជួយគិតមើល ខែ កញ្ញា 6, 2009
Posted by សុខហេង in ពីខ្ញុំ, ពីនេះពីនោះ.12 comments
ខ្ញុំជឿថាបងប្អូនប្រាកដជាជួបប្រទះជាញឹកញាប់ ជាពិសេសបុរសៗដែលមានអាយុស្របាលខ្ញុំ ។ គឺថាតែងតែត្រូវបានបងប្អូននារីៗហៅថាពូៗបើទោះជាមានអាយុស្របាលគ្នាក៏ដោយ ។ មិនដឹងថាគាត់មើលមកមុខខ្ញុំឃើញចាស់ប៉ុន្នាទេ បានជាហៅដូច្នោះ ប្រហែលជាមុខខ្ញុំចាស់ជាងអាយុមែនហើយ ។ ជួនកាលមានអ្នកខ្លះអាយុស្មើរមីងខ្ញុំទៅហើយ ហៅខ្ញុំពូក៏មាន ។ មិនដឹងថាពួកក្នុងចិត្តពួកគាត់គិតយ៉ាងម៉េច ឬក៏គាត់មិនដឹងពាក្យសម្រាប់ហៅមានដូចជា ប្អូនប្រុស បងប្រុស ។ល។ ខ្ញុំមិនមែនអន់ចិត្តរឿងការហៅបែបនេះទេ គ្រាន់តែចង់ប្រាប់ថាពាក្យខ្មែរយើងសម្រាប់ហៅគ្នាមានច្រើនណាស់ គួរតែប្រើប្រាស់ឲ្យបានសមរម្យ ។ តើនេះអាចជាកត្តាមួយដែលនាំឲ្យភាសាខ្មែរមានការធ្លាក់ចុះដែរឬទេ ? ហើយចុះអ្នកវិញមានអារម្មណ៍បែបណា នៅពេលលឺគេហៅដូច្នោះ ?
